Një punonjës i doganave shqiptare ka denoncuar atë që e quan “kontrabanda më e frikshme në historinë e Shqipërisë”, e drejtuar nga “koka”, drejtori i doganave shqiptare Gent Gazheli.
Në një denoncim të drejtpërdrejtë, punonjësi thotë se sistemi doganor ndodhet sot në një gjendje më të degraduar se në vitin 1997, ndërsa pas çdo vendimi të rëndësishëm fshihet Klodian Çani, drejtori i informacionit në dogana – një emër i përfolur për korrupsion, i konsideruar “truri” i kontrabandës dhe njeriu që tërheq fijet në emër të Gazhelit.
Sipas denoncuesit, Çani i përshkruar si një figurë pa përvojë, dikur roje parkingu, ka arritur të pasurohet në mënyrë të dyshimtë dhe sot komandon të gjithë sistemin doganor, përmes emërimeve klienteliste dhe marrëveshjeve të errëta me bizneset dhe zyrtarët.
- KUSH ËSHTË KLODIAN ÇANI?
Çani është nën hetim nga SPAK pas dyshimeve të forta për përfshirje të tij në rrjete kontrabande, falsifikim dokumentesh dhe kalim të lëndëve të dyshuara toksike në territorin shqiptar.
Ai mban postin e Drejtorit të Informacionit në Drejtorinë e Përgjithshme të Doganave dhe ka një të kaluar të mbushur me skandale dhe precedentë penalë, përfshirë edhe një arrestim në Greqi si pjesë e një bande që merrej me vjedhje bankomatësh. Ai u ndalua më 27 gusht nga autoritetet greke dhe u la i lirë me kusht, por skandali më i madh mbetet rikthimi i tij i papenguar në Shqipëri, ku jo vetëm që nuk është hetuar, por ka vijuar detyrën shtetërore pa asnjë ndëshkim.
Nuk është hera e parë që Klodian Çani lidhet me aktivitete kriminale. Në vitin 2015, ndërsa ishte përgjegjës turni në doganë, u pezullua bashkë me tre zyrtarë të tjerë për lejimin e hyrjes së kamionëve me mallra kontrabandë pa asnjë kontroll. Por pas një periudhe të shkurtër, Çani u rikthye në pozita më të larta.
“Të gjithë punonjësit që nuk i binden urdhrave për të ngritur dhe ulur traun, degdisen”,- shprehet i njëjti burim.
“Asnjë ‘gjemb në këmbë’ Gazhelit, teksa në Qafë Botë arrestohen doganierë të palës greke për kamionët që kalojnë me mallra të kontrabanduara drejt Shqipërisë”, shton ai.
Rreth një javë më parë 13 doganierë grekë u arrestuan nga autoritetet në Qafë Botë për kontrabandë me territorin shqiptar duke pezulluar kalimin në pikën doganore.
Doganierët akuzoheshin për mitmarrje, abuzim me detyrën dhe përfshirje në një skemë të sofistikuar kontrabande, ku në këmbim të ryshfetit shmangeshin kontrollet ndaj kamionëve dhe rimorkiove me mallra që kalonin kufirin.
- DENONCIMI PËR JOQ:
“Përshëndetje, jam një punonjës i doganave. Edhe pse të gjithë heshtin para kontrabandës më të frikshme të historisë, ku doganat janë gjunjëzuar më keq se në vitin famëkeq 1997 nga (Gent Gazheli) dhe (Klod Çani) — ky i fundit nga roje parkingu është bërë milioner dhe drejtori i vërtetë i kontrabandës, që emëron dhe zgjedh drejtuesit e doganave.
Punonjësit që nuk binden për të ngritur dhe ulur traun, degdisen, ndërsa të tjerë që janë thirrur nga SPAK kanë “çarë ferrën” dhe nuk dihet ku janë.
Okllahia Gazhel ka vetëm një synim, fotografi dhe parada me ministrin Malaj. Mos të harrojmë që është drejtori më jetëgjatë dhe famëkeq i historisë, por gjithsesi ka depërtuar të bëhet baxhanak me Ramën.
Edhe siç shihet, asnjë ferr në këmbë! Arrestohen gjithë dogana nga pala greke në Qafë Botë për kamionët e bërë “gol” të Çanit dhe Gazhelit. Mediat tona nuk merren me zotërinjtë. Je e vetmja media që jep shpresë.
Provat janë faktike, u arrestuan 13 doganierë të palës greke në Qafë Botë për kontrabandë me Shqipërinë pak ditë më parë dhe u raportua sikur grekët kishin mbyllur pikën doganore!”
