Kolegji Zgjedhor pritet të shqyrtojë sot ankesat e Partisë Demokratike për rezultatin e zgjedhjeve të 11 majit në qarqet Tiranë dhe Durrës.
Seancat janë parashikuar të zhvillohen në orën 10:30 për Tiranën dhe në 11:00 për Durrësin. PD i është drejtuar Kolegjit pas vendimit të Komisionit të Ankimimeve dhe Sanksioneve (KAS), i cili rrëzoi kërkesën e saj për pavlefshmëri dhe përsëritje të zgjedhjeve në këto dy qarqe.
Sipas rezultatit zyrtar të shpallur nga KQZ:
-
Në Tiranë, Partia Socialiste siguroi 19 mandate, PD mori 13, Partia Mundësia 2, ndërsa nga 1 mandat shkuan për Nisma Shqipëria Bëhet, Lëvizja Bashkë dhe PSD.
-
Në Durrës, PS fitoi 8 mandate dhe PD 6.
Tashmë mbetet për t’u parë nëse Kolegji do të pranojë pretendimet e PD-së apo do të konfirmojë përfundimisht rezultatin e dalë nga zgjedhjet e 11 majit.
Ndërkohë, mbeten edhe dy qarqe për t’u shqyrtuar, Fieri dhe Elbasani, të cilat PD i ka ankimuar në Kolegj, por ende nuk është caktuar data për shqyrtimin e ankimit.
