Përfaqësuesi i Bajrakut të Shalës, Zef Sokol Vladaj ka kërkuar ndërhyrjen e autoriteteve të larta të vendit për të ndalur aksionin e prishjes së ndërtimeve në zonën e Thethit.
Në një letër publike, ai shkruan se këto ndërhyrje po prekin prona të trashëguara prej shekujsh, duke shkatërruar dinjitetin e banorëve dhe duke dëmtuar imazhin e një prej bukurive natyrore më të rralla të Shqipërisë, në mes të sezonit turistik.
Me një thirrje për dialog, Vladaj i bën apel Kryeministrit dhe drejtuesve lokalë që të reflektojnë mbi pasojat në këtë zonë të ndjeshme.
Reagimi i plotë:
THIRRJE!
DREJTUAR: Kryeministrit të Shqipërisë Z.Edi Rama!
Prefektes Qarku Shkodër Znj. Majlinda Angoni
Kryetarit Bashkisë Shkodër Z.Benet Beci
Kryetarit te Qarkut Shkodër Z.Mond Ndou.
Ju baj kete thirrje ne cilesine time si perfaqsues i Bajrakut te Shales ku edhe Thethi eshte pjese integrale e saj.
Ka disa dite qe në zonën e Thethit Njesia Administrative Shale po bahet nje aksion per prishjen e ndertimeve pa leje.
Ky aksion po bahet per t’ju shkatrrue pronen ketyre banorve që ka rreth 400 vite qe kane zotrue keto prona.
Keto veprime arbitrare te puonjesve te shtetit tregojne ma se mire menyren çnjerzore dhe urrejtjen qe ka 30 vite qe po tregohet per kete zone.
Ju me keto veprime ne mesin e sezonit turistik po i bani reklamimin ma te keq ne syte e vizitorve te huaj.
Thethi sot ngjan pak a shume me Gazën në Palestinë duke e kthyer ne germalla kete bukuri te rralle natyrore.
Dua te ju kujtoj se zonen e Thethit e as Dukagjinit nuk i ka nenshtrue Turku,Mali i Zi,Austia,Zogu,Nazi Fashistat as Enver Hoxha as ju nuk keni shanc te na nenshtroni.
Shala e Dukagjini jane ma te bashkuar se kurre ne keto momente ne mbeshtetje te banorve te Thethit.
Ju baj thirrje te nderpritni sa me pare kete fryme terrorri qe po ushtroni ne theth duke i lane banoret te qete.
Ta harroni se keni shanc ti jepni ndonje investitori keto mrekulli te natyres se nese beni keto veprim mbi 10 mije vete protestues paqesore Dukagjinas do mblidhen para Bashkise Shkoder.
Pashe dje nje zyrtare te larte shteti qe fyente banoret si me kene halabak ne menyrenme te turpshme.
Ju baj thirrje te nderpritni menjehere keto shkatrrime pronash dhe te ulemi e te dialogojme.
Nese nuk i nderpritni do i baj thirrje Dukagjinit te protestojme ne menyre paqsore ne Theth ne mbrojtje te vllezerve tone.
Ju lutem merreni ne konsiderate kete thirrje timen publike.
