Skënderbeu vijon me përforcimet në merkaton e verës. Viktor Gabriel Moura de Oliverira, ose ndryshe Vitinho është afrimi i radhës te korçarët. 25-vjeçari vjen nga Brazili teksa së fundi ka qenë pjesë e Pouso Alegre.
Në fakt, sipas transfermarkt Vitinho ka qenë me një vlerë të lartë në treg përpara se të kthehej në Brazil, pasi për 3 sezone ka qenë pjesë e Auroca në Portugali. Madje në vitin 2021 vlera e kartonit të tij ka qenë 1 milionë euro.
Më pas në muajin mars të këtij viti është kthyer në Brazil dhe tashmë është rikthyer sërish në Europë, por me Skënderbeun.
Vitinho është mesfushor qendre dhe është 1.75 cm. Kontrata që ka firmosur me Skënderbeun është 3-vjeçare dhe tashmë mbetet për t’u zbuluar vetëm fakti se kur do të udhëtojë për të qenë më pas nën urdhërata e trajnerit Ernest Gjoka.
Me afrimin e Vitinhos, Skënderbeu kërkon të risë cilësinë në repartin e mesfushës. 25-vjeçari ka një eksperiencë pozitive me gjigantët brazilian të Korinthias, nga ku më pas u huazua te Vasko De Gama.
