Policia e Vlorës ka goditur një “fole” prostitucioni me vajza të huaja në qytetitn bregdetar.
Në kuadër të këtij operacioni janë proceduar penalisht tre vajza nga Venezuela, të cilat ushtronin prostitucionin. Ndërkohë, është shpallur në kërkim tutorja spanjolle, e cila i shfrytëzonte venezuelianet për prostitucion, si djhe kishte marrë banesën me qira.
“Specialistët për Hetimin e Trafiqeve të Paligjshme të DVP Vlorë, në vijim të punës për goditjen e rasteve të shfrytëzimit të prostitucionit, kanë evidentuar dhe goditur një rast të kësaj veprimtarie kriminale. Në vijim të veprimeve hetimore për këtë rast:
-u shpall në kërkim shtetasja A. A., 43 vjeçe, banuese në Spanjë. Kjo shtetase kishte marrë me qira një apartament në lagjen “Pavarësia 3”, Vlorë, në të cilin dyshohet se shfrytëzonte për prostitucion, shtetase të huaja;
-u referuan materialet në Prokurori ku nisi procedimi në gjendje të lirë për shtetaset venezuelase R. L., 25 vjeçe, K. C., 30 vjeçe dhe H. S., 30 vjeçe, banuese në Vlorë.
Vijon puna për lokalizimin dhe kapjen e shtetases së shpallur në kërkim dhe për dokumentimin e plotë të veprimtarisë së saj kriminale.” – thuhet në njoftimin e Policisë.
Materialet procedurale i janë referuar Prokurorisë së Vlorës për veprime të mëtejshme.
