Një shtetas shqiptar është arrestuar nga policia greke në pikën kufitare të Mavromatit (Qafë-Botë), pasi ishte i shpallur në kërkim nga Interpol Tirana për veprën penale “vrasje me dashje”.
Arrestimi u bë mbrëmjen e kaluar nga sektori i verifikimit të pasaportave në Sajadhë, në bashkëpunim me sektorin e zbulimit të krimeve të Igumenicës, gjatë tentativës së tij për të kaluar në Greqi.
Pas ndalimit, ai u shoqërua në Komisariatin e Igumenicës dhe dosja iu kalua Prokurorisë së këtij qyteti për nisjen e procedurave të ekstradimit.
