Një ngjarje e rëndë dhe e pazakontë është regjistruar në qytetin e Elbasanit, ku një 55-vjeçar ka thyer masën e sigurisë “arrest në shtëpi” dhe ka tentuar të abuzojë seksualisht me fqinjen e tij 25-vjeçare.
Sipas njoftimit zyrtar, shtetasi I. F., i cili ndodhej në arrest shtëpie me vendim të Gjykatës së Elbasanit për veprën penale “dhuna në familje”, ka shkelur vendimin duke tentuar të kryejë marrëdhënie seksuale me dhunë me një të re, banuese në të njëjtin pallat.
Ngjarja është denoncuar nga vetë vajza, ndërsa autori është larguar menjëherë pas ngjarjes dhe aktualisht është shpallur në kërkim nga policia.
Vijojnë veprimet hetimore për kapjen e tij dhe dokumentimin e plotë të ngjarjes.
