Një 51-vjeçar, kapiten i një anije që kryente guida turistike në liqenin e Shkodrës, humbi jetën gjatë tentativës për të shpëtuar dy turistë që kishin rënë në ujë.
Sipas njoftimit zyrtar, rreth orës 16:32 është marrë sinjalizim për ngjarjen tragjike. Gjatë përpjekjes për të ndihmuar dhe nxjerrë nga uji dy turistët, kapiteni Arben Anamali, dyshohet se është mbytur.
Turistët janë shpëtuar dhe ndodhen në gjendje të mirë shëndetësore, ndërsa kërkimet për trupin e kapitenit vazhdojnë.
