Vllaznia po luan miqësoren e dytë radhazi, teksa përballet ndaj Petrolul prej orës 17:00.
Pasi humbi dje me rezultatin e thellë 4-0 ndaj Olimpija Ljubjanës, kuqeblutë zbritën sërish në fushë ndërsa as ky takim nuk ka nisur mirë për ta.
Shkodranët u ndëshkuan dy herë brenda pak minutash. Në minutën e 19-të ishte Konstantinos Doumtsios ai që shënoi golin e parë, ndërsa në të 36-ën vendasit dyfishuan shifrat.
Tashmë shkodranëve i duhet të reagojnë për të shmangur humbjen e radhës.
Kujtojmë se kuqeblutë janë në prag të sfidës europiane ku më datë 10 korrik do të ndeshen me Daugavpils në turin e parë të Ligës së Konferencës.
