Disa ditë pas vrasjes së 25-vjeçarit Rivaldo Rusi është vënë në pranga edhe bashkëpunëtori i tij. 28-vjeçari, Xhuljan Kurti besohet se është një nga tre personat përgjegjës që tentoi të vidhte biznesmenin italian e cila më pas përfundoi në vrasjen e Rusit.
Ai është urdhëruar të mbahet në burg. Kurti akuzohet për disa vepra penale ndër të cilat tentativë vjedhjeje, grabitje dhe posedim i paligjshëm i armës së zjarrit.
Anëtari i tretë i bandës është ende në kërkim.
Autori, Aurelio Valiante dhe familja e tij u transferuan në një vend të mbrojtur pas ngjarjes. Nuk është bërë arrestim ndaj sipërmarrësit, i cili për momentin është nën hetim për vrasje dhe fshehje të një kufome.
Sipas rindërtimit të ngjarjes, tre shqiptarët kishin hyrë natën në një shtëpi private në Foria di Centola, për të kryer një vjedhje. Pronari i asaj shtëpie në fillim ishte palë e dëmtuar.
Pastaj ata shkuan në shtëpinë e Valiantes, i cili, duke dëgjuar zhurmat në oborr, doli me një pushkë. Me të parë hajdutët që po iknin, ai i urdhëroi të ndalonin. Në atë moment, njëri nga hajdutët kishte qëlluar disa herë me armë zjarri, duke e detyruar pronarin të reagonte. Kurti u plagos, ndërsa një plumb i dytë vrau Rusin. Trupi i tij është gjetur i varrosur pranë fushës sportive në zonën San Severino, pas rrëfimit të pronarit 60-vjeçar të banesës që u tentua të grabitej.
