Prej disa orësh landfilli i Elbasanit pranë inceneratorit është përfshirë nga flakët, ndërsa flakët djegin mbetjet urbanë të 7 bashkive.
Zjarri shpërtheu pasditen e djeshme rreth orës 17:10 dhe ende pas më shumë se 10 orësh përpjekjesh, vatra vijon ende të jetë aktive në thellësinë e masës së mbetjeve.
Flakët e mëdha dhe shtëllunga të dendura tymi kanë pushtuar të gjithë zonën e Elbasanit, duke ndotur ajrin dhe duke vënë në rrezik banesat përreth.
Era dhe temperaturat e larta po e përkeqësojnë situatën duke ndihmuar përhapjen e tymit dhe “erës” helmuese dhe rrezikun për shëndetin publik.
Ndërkohë në terren janë angazhuar të gjitha forcat zjarrfikëse, gjithashtu është ndërhyrë nga ajri për neutralizimin e flakëve.
Lexo edhe:
“Eco-Elb” e Leli Kajës nën hetim, u vihet sërish zjarri mbetjeve te inceneratori i Elbasanit
