Gazetari Olldashi, në një lidhje me emisionin “Të Paekspozuarit” u shpreh se ndihet i kërcënuar pas deklaratave të Kryeministrit Edi Rama.
“Ndihem i kërcënuar kur del Kryeministri dhe lëshohet gjithë lukunia e njerëzve që ka nga pas e bëjnë biografinë dhe e botojnë në media e qeverisë që e mbajnë veten për profesionale. Ndihem i kërcënuar në momentin që Kryeministri del dhe më përmend emrin”, tha gazetari Olldashi, i cili ka marrë përsipër autorësinë e audio-përgjimit të Agron Xhafajt, vëllait të ministrit të Brendshëm.
