Studenti i shkëlqyer i Juridikut, Marvit iu ndërpre jeta pabesisht, pafajësisht nw 31 korrik 2017, duke shkaktuar dramën më të madhe, për dy prindërit e tij. Marvi ishte djali i vetëm i Pavllo Mihalit, atleti i njohur shqiptar, njëherësh edhe rekordmen në sportin e hedhjes me shkop.
Pothuajse 10 muaj pas kësaj tragjedie, e ëma e Marvi Mihalit, Mira Mihali, rrëfen për “Të Paekpsozuarit”, jetën dramatike pa djalin e tyre të vetëm.
“Dora kriminale ma vrau, pabesisht, pafajësisht. Për ne nuk ka më jetë”, thotë Pavllo Mihali, babai i Marvit, të vrarë një vit më parë.
“Ata ngritën kurthin dhe deshën të vrasin. Si mund të vrasësh për një karikues, si mund të rrish me thika në mes të Tiranës. Kush janë ata!?”, thotë nëna e Marvit.
