Qendra Ndërkombëtare për Studime Sportive (CIES) ka publikuar së fundmi listën e 10 mbrojtësve më të vlefshëm në futbollin botëror, bazuar në një analizë të thelluar statistikash dhe algoritmesh që përkthehen në vlerësime ekonomike.
Ajo që bie në sy menjëherë është mungesa e plotë e lojtarëve që luajnë në Serie A, që konfirmon një tjetër sinjal për largimin e futbollit italian nga elita e vlerësimit ekonomik.
Në krye të listës qëndron Josko Gvardiol, ‘yll’ i mbrojtjes së Manchester City-t. Kroati i lindur në vitin 2002 është kthyer në një shtyllë të padiskutueshme në skemat e Pep Guardiolës dhe vlerësohet me 93.7 milionë euro. Gvardiol numëron tashmë 96 ndeshje me fanellën e City-t në të gjitha kompeticionet.
Pas tij renditet Alejandro Balde i Barcelonës me 85.6 milionë euro, ndërsa podiumi plotësohet nga Nuno Mendes i PSG-së, që vlerësohet 75.6 milionë euro. Lista tregon dominimin e Premier League dhe kampionateve të tjera elitare, ndërsa futbolli italian mbetet jashtë kësaj gare prestigjioze.
Ja lista e plotë e 10 mbrojtësve më të vlefshëm sipas CIES:
- Josko Gvardiol (Manchester City) – 93.7 mln €
- Alex Balde (Barcelona) – 85.6 mln €
- Nuno Mendes (PSG) – 75.6 mln €
- Jeremie Frimpong (Liverpool) – 66.3 mln €
- Trent Alexander-Arnold (Real Madrid) – 63.6 mln €
- Geovany Quenda (Chelsea) – 60.1 mln €
- Milos Kerkez (Liverpool) – 57.7 mln €
- Achraf Hakimi (PSG) – 54.6 mln €
- Lewis Hall (Newcastle) – 52.6 mln €
- Destiny Udogie (Tottenham) – 51 mln €
