Një shpërthim i fuqishëm ka ndodhur në orët e para të mëngjesit në një dyqan në aksin rrugor Fushë Krujë-Derven. Lënda shpërthyese ishte vendosur në hyrje të dyqanit të mishit në pronësi të 30-vjeçarit Donald Luka.
Nga shpërthimi ka pasur vetëm dëme materiale, teksa policia ka mbledhur kamerat e sigurisë dhe po punon për identifikimin e autorëve të kësaj ngjarje.
Donald Luka rezulton i njohur për Policinë, pasi në vitin 2022 është akuzuar pasi së bashku me të vëllain rrahën kuzhinierin Indrit Çela për një parakalim të gabuar.
Në atë kohë u arrestua edhe babai i tyre, Llesh Luka dhe në banesën e tyre policia gjeti të instaluar shtëpi bari.
“Rreth orës 02:15, në aksin rrugor “Fushë Krujë-Derven, në hyrjen e dyqanit në përdorim nga shtetasi D. L., rreth 30 vjeç, ka shpërthyer një sasi e vogël dyshohet lëndë plasesë, duke shkaktuar vetëm dëme materiale.
Grupi hetimor sëbashku me shërbimet e Policisë po punojnë për sqarimin e rrethanave të rastit dhe identifikimin/kapjen e autorit.”– njoftoi policia.
