Kolegji Zgjedhor ka rrëzuar këtë të enjte kërkesën e Partisë Demokratike për pavlefshmërinë e zgjedhjeve në qarkun e Vlorës, duke i hapur rrugën certifikimit të rezultatit për këtë qark.
Vendimi vjen pas certifikimit të mëparshëm të zgjedhjeve të 11 majit në qarqet Korçë, Kukës, Lezhë dhe Gjirokastër.
Ndërkohë, komisioneri shtetëror i zgjedhjeve, Ilirjan Celibashi, ka shpërndarë tashmë mandatet për deputetët e zgjedhur në këto katër qarqe. Me këtë vendim të Kolegjit, pritet të vijojë shpërndarja e mandateve edhe për Vlorën.
