Policia e Tiranës ka reaguar me një njoftim zyrtar pas të shtënave me armë zjarri që u raportuan në zonën e Institutit në Tiranë.
Bëhet e ditur se është shoqëruar në komisariat një person i identifikuar si Y. C., pasi ka shtënë me armë pas një konflikti për motive të dobëta me disa persona të tjerë.
Ngjarja raportohet se ka ndodhur rreth orës 11: 10 dhe pritet të mësohen detaje të reja për konfliktin dhe personat e përfshirë.
“Rreth orës 11:10, në Institut, dyshohet se gjatë një konflikti për motive të dobëta është qëlluar me armë zjarri në ajër.
Shërbimet e Policisë kanë shkuar menjeherë në vendngjarje dhe kanë shoqëruar për veprime të metejshme shtetasin Y. C, i dyshuar i përfshirë në konflikt.
Gjatë kontrollit fizik këtij shtetasi i është gjetur një armë zjarri pistoletë.
Aktualisht, nuk ka të dhëna për persona të dëmtuar/lënduar.
Punohet për identifikimin e kapjen e shtetasve të tjerë të përfshirë në konflikt dhe dokumentimin e plotë të ngjarjes.
Në përfundim të hetimeve do të jepet një njoftim më i plotë për rastin.”– njofton policia.
