Një 18-vjeçar është plagosur me thikë në Tropojë.
U bë me dije se pas një sherri për motive të dobëta, një 23-vjeçar i indetifikuar si Artur Buçpapaj, ka qëlluar me thikë Orgen Lataj,, i cili po merr mjekim dhe është jashtë rrezikut për jetën.
Ndërsa policia ka shpallur në kërkim të riun që kreu plagosjen.
“Në orët e para të mëngjesit, në spitalin e Tropojës, është paraqitur shtetasi A. B., 23 vjeç, banues në Dojan, me dëmtime që dyshohet se janë shkaktuar nga goditja me mjet prerës. Aktualisht ai po merr mjekim dhe është jashtë rrezikut për jetën.
Nga veprimet e para hetimore dyshohet se shtetasi A. B. është plagosur me mjet prerës gjatë një konflikti për motive të dobëta, nga shtetasi O. L., 18 vjeç, banues në Bajram Curri.
Shtetasi O. L. është shpallur në kërkim dhe vijon puna për kapjen e tij.
Ndërkohë, grupi hetimor, në drejtimin e Prokurorisë së Kukësit, vijon punën për zbardhjen dhe dokumentimin e rrethanave të këtij rasti”, thuhet në njoftimin e policisë.
