Harallamb Qaqi ka njoftuar largimin nga Elbasani. Mbrojtësi ka postuar një shkrim ku kujton golin që i shënoi Vllaznisë në kampionat, ndërsa verdheblutë humbën 2-1.
31-vjeçari luajti për 19 ndeshje në Superiore. Në Kupë u aktivizua në katër ndeshje. Tek Elbasani u afrua pasi e mbylli me Teutën, ndërsa mbetet për t’u parë ku do jetë eksperienca e radhës.
Njoftimi i Qaqit:
Ky sezon për mua mbyllet këtu me AF Elbasan. Dua të falënderoj presidentin, stafin teknik, bashkëlojtarët dhe të gjithë ata që ishin pjesë e këtij rrugëtimi.
I jam mirënjohës për besimin, përkrahjen dhe çdo moment të ndarë së bashku — si në fushë, ashtu edhe jashtë saj. Uroj ekipit vetëm suksese në vazhdim!
