Udhëheqësi suprem i Iranit, Ayatollah Ali Khamenei, ka reaguar pas sulmit me raketa ndaj bazave amerikane në Katar dhe Irak, të kryer nga forcat iraniane si pjesë e operacionit të quajtur nga Teherani “Shpallja e Fitores”.
Në një postim në platformën X, Khamenei u shpreh:
“Irani nuk i bëri dëm askujt. Por ne nuk do të pranojmë asnjë agresion në asnjë rrethanë. Ne nuk do të dorëzohemi. Kjo është logjika e kombit iranian.”
Deklarata e tij vjen në një moment kritik për rajonin, teksa tensionet mes Teheranit dhe Uashingtonit janë në kulm. Zyrtarët iranianë kanë theksuar se operacioni kishte karakter hakmarrës për bombardimet amerikane ndaj objekteve të tyre bërthamore, duke tentuar të shmangin përshkallëzimin e mëtejshëm të konfliktit.
Ndërkohë, presidenti amerikan Donald Trump ka reaguar duke e cilësuar kundërpërgjigjen iraniane si “shumë të dobët”, duke shtuar se “asnjë amerikan nuk është lënduar dhe 13 nga 14 raketat janë rrëzuar“.
Trump reagon ndaj sulmeve iraniane në bazën amerikane në Katar: Shpresoj që…
