Është përfshirë nga një zjarr masiv vendgrumbullimi i mbetjeve në qytetin e Kukësit, në lagjen Myq-Mamëz, rreth mesnatës së kaluar.
Shtëllungat e tymit janë përhapur në drejtim të qytetit dhe zonave përreth, duke shkaktuar shqetësim për banorët për shkak të ndotjes së ajrit.
Edhe pse kanë kaluar disa orë nga nisja e zjarrit, vatra ende nuk është shuar. Forcat zjarrfikëse ndodhen në vendin e ngjarjes dhe po punojnë për neutralizimin e flakëve.
Kjo është hera e tretë radhazi që fusha e mbetjeve digjet brenda tre viteve të fundit, duke ngritur shqetësime serioze mbi menaxhimin e situatës.
Zjarri ka përfshirë një perimetër të gjerë brenda pak minutash, duke ngritur dyshime të forta për zjarrvënie të qëllimshme.
