Bashkimi Europian ka reaguar zyrtarisht pas sulmeve ajrore të SHBA-së mbi objektet bërthamore iraniane. Shefja e politikës së jashtme të BE-së, Kaja Kallas, në një deklaratë në platformën “X”, bëri thirrje për përmbajtje dhe rikthim në diplomaci.
‘Iranit nuk duhet t’i lejohet të zhvillojë një armë bërthamore, pasi kjo do të përbënte një kërcënim për sigurinë ndërkombëtare,” tha Kallas.
Ajo u bëri thirrje të gjitha palëve të përfshira që të tërhiqen nga përshkallëzimi ushtarak dhe të rikthehen në tryezën e negociatave për të shmangur një krizë më të thellë.
“Ministrat e Jashtëm të BE-së do të mblidhen nesër për të diskutuar situatën”, shtoi Kallas.
Iran must not be allowed to develop a nuclear weapon, as it would be a threat to international security.
I urge all sides to step back, return to the negotiating table and prevent further escalation.
EU Foreign Ministers will discuss the situation tomorrow.
— Kaja Kallas (@kajakallas) June 22, 2025
Më 21 qershor 2025, Shtetet e Bashkuara ndërmorën një sulm të befasishëm ajror ndaj tre objekteve bërthamore iraniane Fordo, Natanz dhe Esfahan në bashkëpunim me Izraelin.
Presidenti Donald Trump e quajti këtë një “sukses spektakolar ushtarak”, ndërsa Kryeministri izraelit Netanyahu tha se ky është një moment që “do të ndryshojë historinë”. Reagimet ndërkombëtare janë të përziera, me paralajmërime për pasoja të rënda dhe përshkallëzim të mëtejshëm të konfliktit në Lindjen e Mesme.
