Drejtuesi i Prokurorisë së Posaçme, Altin Dumani,i ka kthyer përgjigje zytare Partisë Demokratike lidhur me kallëzimin penal që deputetja Albana Vokshi ka bërë ndaj biznesmenes Vilma Nushi në lidhje me koncesionet në sistemin e Shëndetësisë.
Kreu i SPAK, në kthimin e përgjigjes, shprehet se procedimi penal ndaj biznesmenes është regjistruar në vitin 2020. Gjithashtu thekson se “procedimi penal është në fazën e hetimit”.
“Në përgjigje të kërkesës suaj, datë 12.05.2025, në lidhje me informacionin nëse ka kallëzime të depozituara nga shtetasja Albana Vokshi ndaj shtetases Vilma Nushi, ju informojmë se:
Pas verifikimeve të kryera rezulton se mbi bazën e materialit kallëzues të Partisë Demokratike përfaqësuar nga Albana Vokshi etj, ndaj shtetases Vilma Nushi, është regjistruar procedimi penal me Nr.122, viti 2020.
Ky procedim penal është në fazën e hetimit.”– thuhet në përgjigje.
LEXO EDHE:
Raportimi i Fondit Shëndetësor zbulon krime të tjera ç’njerëzore me ilaçet dhe vjedhjet me Check-up
Koncesioni i Check Up/ Pse Rama nuk po e dorëzon Vilma Nushin
