Policia e Gjirokastrës ka arrestuar një 17-vjeçar pasi dje, në lagjen “18 Shtatori”, dyshohet se për motive të dobëta, ka goditur me thikë një 49 vjeçar.
I plagosuri ndodhet në spital, jashtë rrezikut për jetën.
“Specialistët për Hetimin e Krimeve të Komisariatit të Policisë Gjirokastër arrestuan në flagrancë një 17-vjeçar, banues në Gjirokastër, pasi dje, në lagjen “18 Shtatori”, dyshohet se për motive të dobëta, ka goditur me mjet prerës (thikë), shtetasin G. H., 49 vjeç, banues në fshatin Picar, i cili ndodhet në spital, jashtë rrezikut për jetën.“- njofton policia.
Thika u sekuestrua në cilësinë e provës materiale.
