Nazmi Gripshi vazhdon të jetë një nga emrat kryesorë të skuadrës së Astanës në Kazakistan, ku me paraqitjet e tij është kthyer shumë shpejt në një ndër idhujt e tifozerisë.
Mesfushori ka realizuar sot një gol spektakolar në fitoren 5-2 që ekipi i tij arriti në shtëpi përballë ndaj Okzhtepes. Gripshi realizoi golin e dytë për Astanën në minutën e ’33 të takimit, ku mori një harkim nga e djathta në shtyllën e dytë dhe me një goditje fluturimthi çoi sferën në rrjetë.
Astana kryeson kampionatin, ku pas 13 ndeshjesh ka marrë 30 pikë, pasi sezoni në Kazakistan zhvillohet mes marsit dhe nëntorit. Ky ishte goli i pestë për Nazmi Gripshin në këtë sezon në kampiona me Astanën.
Ai u transferua tek Astana një vit më parë, pas tre serzonesh të sukseshme me fanellën e Ballkanit, si në kampionat, po ashtu edhe në grupet e Ligës së Konferencës, teksa u shpall edhe lojtari i sezonit. Më herët ai ka veshur fanellën e Teutës dhe Skënderbeut në kampionatin shqiptar.
27-vjeçari ka qenë gjithmonë në listën e pritjes të trajnerit të kombëtares shqiptare Silvinho, por deri më tani nuk e ka marrë asnjherë një ftesë për tu grumbulluar me kombëtaren A të Shqipërisë, pasi është aktivizuar me ekipet e moshave deri tek Shpresat U-21.
