Një zjarr është regjistruar pranë Qendrës Rezidenciale Lira në qytetin e Beratit.
Raportohet se zjarri është i qëllimshëm pasi persona ende të paidentifikuar kanë vendosur disa goma në afërsi të kësaj qendre dhe më pas i kanë djegur ato.
Fatmirësisht nga flakët nuk ka persona të lënduar dhe nuk ka shkaktuar as dëme materiale. Si pasojë e zjarrit në zonë u përhap një re e zeza tymi.
Burimet policore konfirmojnë se po punohet për identifikimin dhe kapjen e autorit/autorëve të zjarrit.
