Një sherr masiv u shënua mbrëmjen e 10 qershorit në zonën e Ali Demit në Tiranë ku nuk muguan as të shtënat me armë zjarri, por deri më tani bilanci i Policisë është vetëm një i arrestuar. Por jo vetëm për faktin se është një i arrestuar, por personi që është vendour në pranga është i riu i cili mbeti i plagosur, madje akuza që rëndon ndaj tij është se ka mashtruar unfiromat blu në deklaratën paraprake të dhënë për grupin hetimor.
Përmes një komunikate për mediat, blutë e kryeqytetit bënë me dije sot se kanë arrestuar shtetasin G. K., 26 vjeç, i cili akuzohet për veprat penale “Veprime që pengojnë zbulimin e së vërtetës”, “Moskallëzimi i krimit” dhe “Deklaratat e rreme përpara oficerit të policisë gjyqësore”.
Ndërkohë, numri i të shpallurve në kërkim ka shkuar në 5, pasi sot Policia njofton se i përfshirë në sherr ka qenë edhe shtetasi Nj. P., 28 vjeç. Ditën e djeshme u shpallën në kërkim dhe shtatsit F. D., 36 vjeç, D. Zh., 25 vjeç, M. D., 27 vjeç, dhe F. S., 27 vje, të cilët vijojnë të jenë ende në arrati.
Deri më tani, komisariati nr.1 i Tiranës, i cili mbulon zonën e Ali Demit, ka dështuar lidhur me këtë ngjarje për të nxjerrë përgjegjësit para drejtësisë.
Sipas burimeve për mediat, shkaku i sherrit masiv ka qenë një borxh i pashlyer, ku nuk përjashtohet mundësia që borxhi të ketë ardhur nga bastet ilegale, të cilat janë masive në atë zonë, ku ka dyshime se veprojnë me “bekimin” e Policisë.
Në vendngjarje, policia sekuestroi 1 shkop bejsbolli, 2 gëzhoja, 1 automjet dhe 3 celularë.
Rikujtojmë se zona e “Ali Demit” në Tiranë është shndërruar në një lloj “parajse” për bastet e paligjshme dhe e gjitha kjo po ndodh në sytë e punonjësve të Policisë, të cilët ushtrojnë detyrat në territorin që mbulon Komisariati nr.1, në Tiranë, të drejtuar nga Robert Losha.
Siç duket, edhe kësaj here policia nuk do i kthejë sytë nga lokalet ku ushtrohen bastet e paligjshme që po bëhen vrastare çdo ditë e më shumë.
“Specialistët për Hetimin e Krimeve të Komisariatit të Policisë Nr. 1:
Në vijim të veprimeve procedurale me qëllim dokumentimin e ngjarjes së ndodhur me datë 10.06.2025, rreth orës 23:00, në rrugën “Ali Demi”, kanë arrestuar shtetasin G. K., 26 vjeç, për veprat penale “Veprime që pengojnë zbulimin e së vërtetës”, “Moskallëzimi i krimit” dhe “Deklaratat e rreme përpara oficerit të policisë gjyqësore”, si dhe identifikuan dhe shpallën në kërkim shtetasin Nj. P., 28 vjeç, pasi dyshohet se është përfshirë në konflikt. “– njofton policia.
LEXO EDHE:
Policia i toleron/ Lokalet e basteve të paligjshme në “Ali Demi” kthehen në skenë krimi
