Trajneri i Shqipërisë, Sylvinho thotë se ka një rritje të ekipit, edhe pse mbrëmë në Letoni shkuan në një barazim 1-1, dhe me Serbinë u humb penalltia e famshme.
Pas dy barazimeve ka ironizuar gazetari i kronikës, Artan Hoxha. Ai thotë se e vetmja gjë që është rritur, është çmimi i biletës në stadium.
”E vetmja gjë që është rritur ndjeshëm kohët e fundit madje ka arritur në stratosferë është çmimi i biletave për qytetarët më të varfër të kontinentit, duke abuzuar me pasionin e tyre për të parë Kombëtaren”,– shkruan në një postim në Facebook.
Postimi:
“Jemi në rritje…”
Mister Silvinjo, në rritje ishim gjatë eliminatoreve të kaluara, kur na çove në Kampionatin Europian. Që prej asaj kohe, jemi në rënie. Madje, në një rënie të lirë…
E vetmja gjë që është rritur ndjeshëm kohët e fundit madje ka arritur në stratosferë është çmimi i biletave për qytetarët më të varfër të kontinentit, duke abuzuar me pasionin e tyre për të parë Kombëtaren.
