Deputetja e Partisë Demokratike, Albana Vokshi në një dalje televizive ka folur për zgjedhjet e 11 majit dhe raportin e OSBE/ODIHR.
Vokshi u shpreh se në zgjedhje ka pasur kudo banda kriminale. Sa i përket raportit të OSBE/ODIHR, deputetja tha se ai ka përmendur çdo problematikë në Shqipëri dhe e vetmja zgjidhje është vendosja e një qeverie teknike që të zbatojë të gjitha rekomandimet.
“Ka pasur kudo banda kriminale. Raporti ka përmendur çdo problematikë, në çdo paragraf ka problematika madhore. Duhen bërë detyrat e shtëpisë, zgjedhje të lira dhe të ndershme. Me Edi Ramën s’ka zgjedhje të lira dhe të ndreshme. Zgjidhja është qeveri teknike, të zbatojë të gjitha rekomandimet e OSBE/ODIHR”, tha Vokshi për A2.
