Konferenca e Kryetarëve është shoqëruar me debate mes mazhorancës dhe opozitës lidhur me seancën e radhës plenare më 12 qershor, e cila tashmë është shtyrë për në datën 16.
Ndryshe nga sa është vendosur në Konferencën e Kryetarëve të datës 29 maj, mazhoranca ka kërkuar të mos ketë seance parlamentare ne 12 qershor.
Ky propozim ka sjellë reagimin e deputetit demokrat Gazment Bardhi.
“Ti rruga e mbarë për atje ku do te jesh ne daten 12. I ke dhene zgjidhje problemeve ne Shqiperi shko e zgjidh konfliktin ne Ukraine. Nuk ka asnje arsye per te shtyre seancen e kuvendit. S’ka asnje arsye te shtyhet seanca nga data 12 per ne daten 16 sepse kjo eshte miratuar nga Konferenca e Kryetareve. Kuvendi nuk eshte prone dhe plaçkë e juaj siç keni tentuar ta trajtoni ne kohet e fundit”, tha Bardhi.
Po ashtu edhe deputetja demorkate Jorida Tabaku kishte kritika të forta Elisa Spiropalit.
“Do doja te ngreja nje shqetesim per nje deklartae tenden te para disa diteve per ceshtjet e integrimit. Gjuha juaj ishte ndarse dhe percmuese ndaj kundershtarit. Foltorja e Kuvendut nuk mund te perdoret per kete gjuhe. Kjo nuk eshte gjuha qe kerkon intergimi. Me vjen keq te them por qe kur ju keni marre drejtimin e Kuvendit kemi bere hapa pas ne Keshillin e Integrimit por edhe ne Komisionin e Posaçem e me pas ne procesin elektoral. Nuk i keni kryer detyrat. Zgjedhjet jane kriteri dhe kushti i pare ne gjitha raportet dhe detyrat, qe kerkohen per procesin e integrimit. E ky kriter u shkel ne zgjedhjet e fundit.”
