Dy vajza kanë denoncuar në Komisariatin e Himarës përdhunimin dhe ngacmimin seksual nga dy persona, në po kaq ngjarje të veçuara nga njëra-tjetra.
U bë me dije sot (9 qershor) se specialistët për Hetimin e Krimeve referuan materialet në Prokurori ku nisi procedimi penal për 33-vjeçarin me inicialet E. M., banues në Vorë.
“Ndaj tij ka kallëzuar një shtetase 24 vjeçe, me pretendimin se gjatë kohës që ka qenë me pushime në plazhin e Borshit, ky shtetas ka kryer marrëdhënie seksuale me të, pa dëshirën e saj”, bëri me dije policia pas hetimeve paraprake.
I riu pasi u shoqërua dhe mor në pyetje, po ndiqet në gjendje të lirë.
Po ky komisariat mori nën hetim edhe Xh. D., 52 vjeç, banues në Tiranë, pasi ka kallëzuar një 24-vjeçare, me pretendimin se gjatë kohës që qëndronte po në plazhin e Borshit, ai e ka ngacmuar seksualisht.
