Autoritetet amerikane të Emigracionit dhe Doganave kanë ndaluar më 6 qershor në aeroportin ndërkombëtar Harry Reid në Las Vegas, tiktok-erin e njohur Seringe Khabane Lame.
25 vjeçari i lindur në Francë u ndalua për shkelje të rregullave të imigracionit.
Siç shkruan France 24, Lame kishte hyrë në Shtetet e Bashkuara më 30 prill, por kishte qëndruar përtej afatit të lejuar nga viza. Ai u ndalua të premten dhe u lirua po atë ditë, ndërsa tashmë është larguar nga SHBA-të.
Khabane Lame, i njohur gjerësisht në rrjetet sociale me mbi 162 milionë ndjekës në TikTok, nuk ka reaguar publikisht për ngjarjen deri të shtunën pasdite.
