Xhuliano Skuka është zyrtarisht lojtar i Partizanit. Sulmuesi dibran rikthehet në Shqipëri pas eksperiencës me Poli Iasi në Rumani.
Skuka ka firmosur kontratë të vlefshme për 3 vitet e ardhshme me “demat”. Sulmuesi 26-vjeçar përforcon kështu fazën ofensive te “demat” para ndeshjeve në Europë.
Një rikthim për Skukën te të kuqtë pasi kujtojmë që ai shkëlqeu me këtë skuadër në sezonin 2022-2023 ku shënoi 9 gola në 20 takime.
Njoftimi i Partizanit:
“Zyrtare, Xhuliano Skuka rikthehet në shtëpi. Partizani me kënaqësi zyrtarizon rikthimin e Xhuliano Skukës. Sulmuesi 26 vjeçar pas eksperiencës në rumani me ekipin e Poli Iasi tashmë do të jetë pjesë e të kuqve. Skuka ka firmosur një kontratë 3 vjeçare duke konfirmuar edhe një herë se Partizani mbetet zgjedhja e vetme në Shqipëri”.
