Nuk ka qetësi te Partizani. Të kuqtë ende nuk kanë bërë lëvizje në merkato, ndonëse ndeshjet në Europë po afrojnë dhe ekipi ka nevojë për përforcime.
Një nga enigmat e mëdha te kryeqytetasit, është sulmuesi Bintsouka. Kongolezi nuk ka rinovuar me “demat” dhe pritet të largohet si lojtar i lirë.
Drejtuesit i kanë ofruar rinovimin, por pavarësisht se kishte një akord në parim, Bintsouka nuk po rikthehet në Tiranë, për të firmosur.
Shkak për këtë janë bërë interesimet nga klube të tjera nga jashtë Shqipërisë.
