Një ngjarje e rëndë ka ndodhur mbrëmjen e së shtunës, më 31 maj, në qytetin Dax të Francës, ku një 17-vjeçar ka humbur jetën pasi u godit me thikë në kraharor, në rrethana ende të paqarta.
Sipas Daily Mail, i riu ishte pjesë e festimeve për fitoren e Paris Saint-Germain në finalen e Ligës së Kampioneve, por mbrëmja festive përfundoi në tragjedi.
Viktima u dërgua me urgjencë në spital, por fatkeqësisht ndërroi jetë si pasojë e plagëve të marra.
Policia franceze ka konfirmuar ngjarjen, por ende nuk është zbuluar motivi apo konteksti i saktë i konfliktit që çoi në vrasje. Hetimet janë në vijim për zbardhjen e plotë të ngjarjes.
