Interi dhe PSG “përplasen” pas pak në Mynih, në kuadër të finales së madhe të Champions League. Ish-lojtari i zikaltërve, Wesley Sneijder është shprehur para sfidës besimplotë për suksesin e ekipit italian.
“Isha në Stamboll dy vite më parë, por kjo finale është ndryshe. Jo vetëm sepse nuk ka një favorit të qartë si ndaj Manchester City, por sepse PSG është më pak dominuese se City në 2023. Është Interi që ka dicka ndryshe nga më parë, është më i fortë, më i matur, më i vetdijshëm.
Humbjet, si ajo e dy sezoneve më parë, e kanë bërë këtë ekip më të pjekur dhe skuadra do të jetë e motivuar të reagojë edhe pas humbjes së Skudetos. Shpresojmë se 31 maj i 2025 do të mbahet mend për kohë të gjatë”, tha Sneijder.
