Ministri i Jashtëm gjerman Johann Wadephul tha në një intervistë me Sueddeutsche Zeitung se Berlini mund të vendosë të mos dërgojë më armë në Izrael.
“Izraeli merr armë nga Gjermania. Gjithmonë ka qenë kështu. Izraeli është i ekspozuar ndaj kërcënimeve serioze për sigurinë dhe ekzistencën e tij: përfshirë ato nga Huthitët, Hezbollahu dhe Irani. Dhe duhet të jetë në gjendje të mbrohet vetë, duke përfshirë edhe sistemet gjermane të armëve.
Një pyetje tjetër është nëse ajo që po ndodh në Rripin e Gazës është në përputhje me të drejtën ndërkombëtare.
Po e shqyrtojmë çështjen dhe bazuar në këtë vlerësim, do të autorizojmë dërgesa të mëtejshme të armëve nëse është e nevojshme”, u shpreh Ministri i Jashtëm gjerman Johann Wadephul.
