Një mace në Perris të Kalifornisë ka mbijetuar për mrekulli pasi u qëllua me një shigjetë në trup.
Një oficer i kontrollit të kafshëve e çoi macen në një strehë për kafshët pasi e gjeti me shigjetën në trup.
Stafi i strehës së kafshëve San Jacinto në Riverside County futën në mënyrë emergjente maçokun në operacion dhe në mënyrë të sigurtë arritën që ti heqin shigjetën.
Video tregon maçokun e plagosur në gjendje të rëndë. Ai shihet se ka gjakderdhje nga plaga e shigjetës. Shigjeta i kaloi nga shpatulla e majtë kaloi nëpërmjet trupit dhe i doli në pjesën e kraharorit.
Nëse shigjeta do ti kalonte në zgavrën e gjosit, do të kishte qenë shumë e vështirë për kafshën shtëpiake që të mbijetonte. Ekipi i veterinerëve po kujdeset për maçokun dhe po e mbajnë në vëzhgim.
