Policia e Tiranës ka arrestuar të riun e shpallur në kërkim për përplasjen me armë të regjistruar më 29 Prill në zyrën elektorale të PSD-së së Tom Doshit në zonën e “Ali Demit”.
Në pranga është vënë shtetasi Lorenco Telhallari, 24 vjeç, i akuzuar për veprat penale “Prodhimi, mbajtja, blerja dhe shitja pa leje e armëve të ftohta” dhe “Kanosja”. Në lidhje me këtë ngjarje, më 18 Maj, u kap dhe babai i të riut, Arjan Telhallari.
Dyshohet se Lorenco Telhallari ishte konfliktuar me shtetasin Lendi Palaj. Pas sherrit të parë, Lorenco Telhallari shkoi sërish për t’u konfliktuar me Palajn, por këtë herë së bashku me babain e tij, Arjan Telhallari, i cili kishte marrë dhe automatik me vete.
Sipas Policisë, automatiku i Telhallarit ka qenë i mbushur, madje atij i kanë rënë fishekët në tokë gjatë sherrit, por arma nuk rezulton që është përdorur.
