Hansi Flick është më i motivuar se kurrë për sezonin e ri. Ai u shpall kampion i Spanjës dhe rinovoi kontratën me Barcelonën si trajner i sukseseve, por presioni veçse shtohet. Pse? Sepse Real Madrid riktheu në shtëpi legjendën Xabi Alonso.
Me Alonson si rival, Flick e di se konkurrenca për sezonin e ardhshëm do të jetë e lartë. Barcelona duhet të përforcohet, kështu që plani është bërë gati.
Gjermani ka kërkuar një lojtar të klasit botëror në krahun e majtë të sulmit. Alternativat janë dy: Nico Williams dhe Rafa Leao. Të dy kushtojnë, por Barcelona këtë verë i ka paratë.
Flick ka kërkuar një qendërmbrojtës dhe një mesfushor defensiv. Emrat janë të shumtë. Si qendërmbrojtës, Flick do të mirëpriste emra si Alessandro Bastoni, Ibrahima Konate dhe Cristian Romero. Si mesfushor defensiv, Flick pëlqen Amadou Onana, Morten Hjulman dhe Hakan Calhanoglu.
