Ministria e Punëve të Jashtme dhe Diasporës së Kosovës ka reaguar lidhur me situatën në të cilën u përfshi në Serbi ish-deputeti Gramos Agusholli.
Ministria sqaron se Agusholli, i cili u ndalua më herët gjatë ditës së sotme në pikën kufitare në Merdarë nga autoritetet serbe, është liruar dhe ka vazhduar rrugën e tij drejt destinacionit në Slloveni.
“MPJD do të vazhdojë të përcjellë me vëmendje çdo situatë që cenon të drejtat e qytetarëve të Republikës së Kosovës dhe i bën thirrje Bashkësisë Ndërkombëtare të reagojë ndaj Serbisë për ndalimin e praktikave të tilla represive, të cilat bien ndesh me parimet themelore të së drejtës ndërkombëtare dhe me konventat ndërkombëtare për të drejtat e njeriut”, thuhet në reagim.
