Milan ka mbyllur këtë sezon në Serie A, duke mundur 2-0 Monza-n në ndeshjen e fundit, e luajtur në “San Siro”.
Një sezon super i dështuar për kuqezinjtë, gjë që ka rritur dita ditës pakënaqësitë e tifozëve, të cilët e treguan dhe sot inatin që kanë me drejtuesit.
“Go Home” (Shko në shtëpi), ky ishte mesazhi i “Curva Sud” drejtuar RedBird dhe pronarit Cardinale, i ekspozuar duke formuar një koreografi me një grup tifozësh pasi policia nuk i lejon të fusin gjë në stadium.
Përsa i përket ndeshjes, rezultati u zhbllokua në minutën e 64-të me golin e Matteo Gabbia, i cili shënoi me kokë pas topit të ardhur nga goditja e këndit.
Në minutën 74-të, Joao Felix do të ekzekutonte në mënyrë perfekte një goditje dënimi dhe topi përfundoi në rrjetë, 2-0 për kuqezinjtë.
Ndeshja e sotme ka qenë e fundit për shumë lojtarë, të cilët pritet të zyrtarizojnë largimin nga Milan në ditët në vjim, po ashtu ndeshja e fundit edhe për trajnerin Sergio Conceicao.
