I dyshuari i sulmve të Parisit Salah Abdeslam është fotografuar nga mediat vendase në qelinë e burgut të sigurisë së lartë në Bryzh. Ai shfaqet krejt ndryshe nga imazhet që jemi mësuar ta shohim, i lodhur, me mjekër dhe flokë të çrregullt të gjatë. Personeli i sigurisë thotë se ai ka një sjellje shembullore, model edhe për të denuarit e tjerë, kurse lodhja vjen si rezultat i regjimit të ashpër në burg.
E përditshmja belge Het Nieuësblad ka publikuar një foto të terroristit salah absedlam nga burgu i bryzhit. Me flokë të crregullt, me mjekër, në dukje i lodhur, salah abdeslam duket krejt ndryshe nga fotot para arrestimit, në të cilat kishte një krehje perfekte të flokëve, të sistemuara me xhel, pa mjeker dhe me një shikim të mprehtë, ku duket se edhe atë e ka humbur.
Sipas të përditshmes belge që citon burime nga burgu, i dyshuari i sulmeve të Parisit mjekrën e gjatë e ka përdorur për tu maskuar gjatë kohës që ishte në arrati dhe në një farë mënyre i funksionoi për disa kohë, pasi forcat policore shkuan dy herë në apartamentin e tij në lagjen Molenbek të Brukselit për ta arrestuar pasi herën e parë nuk ishin të sigurtë që ishte ai.
“Het NieuWsblad” shkruan se Abdeslam është i burgosuri model, një shembull për të dënuarit e tjerë, por vetëm sa i përket sjelljes. Një djalë i mirë, kjo është fraza që citohet nga personeli i burgut, i cili shton se edhe me oreksin është po kaq mirë. Sa i përket pamjes së tij të lodhur, vjen vetëm si rezultat i regjimit të ashpër në burgun e sigurisë së lartë, ku një roje sigurie shkon tetë herë brenda një ore pëgjatë 24 orëve të ditës në qelinë e tij për të kontolluar se cdo gjë është në rregull. Dhe kjo është raskapitëse. Salah Abdeslam u arrestua para disa javësh dhe po pret ekstradimin në Francë.
