Dy të rinj janë arrestuar nga policia në Vlorë, pasi akuzohet për shitje të lëndëve narkotike.
Policia bën me dije se në pranga ranë të rinjtë Emiljano Ahmeti dhe Artur Rama, që posedonin kokainë dhe kanabis, me qëllim shitjen.
“Specialistët për Hetimin e Narkotikëve Vlorë, në bashkëpunim me komisariatin e Policisë Delvinë dhe Forcën e Posaçme Shqiponja, bazuar në informacionet e siguruara në rrugë operative, organizuan dhe finalizuan goditjen e 2 rasteve të shitjes së lëndëve narkotike, në doza. Si rezultat, u kapën dhe u arrestuan në flagrancë shtetasit: E. A., 18 vjeç, banues në fshatin Çukë, Sarandë; A. R., 33 vjeç, banues në Vlorë”, bëri me dije policia.
Dosja mbi dy rastet i kaloi prokurorisë vendore, për hetime të mëtejshme, me akuzën “prodhimi dhe shitja e narkotikëve”.
