Kancelari i sapozgjedhur gjerman Friedrich Merz, i pranishëm në Samitin e Komunitetit Politik në Tiranë, u shpreh se është shumë e rëndësishme që të gjitha palët të bashkëpunojnë për një Europë më të sigurt.
Gjatë fjalës së tij, Merz u shpreh se tashmë është e qartë që demokracitë janë në rrezik dhe qeveritë duhet të tregojnë se janë të forta për të zgjidhur kriza si emigracioni.
“Faleminderit për të gjithë mikpritjen e ngrohtë në Tiranë. Më lejoni të them që jam i kënaqur që jam këtu dhe të kem nderin dhe mundësinë të jem me ju për herë të parë në këtë grup të shquar udhëheqësish të nderuar të Europës. Me padurim pres bashkëpunimin tonë të ngushtë, jo vetëm pse na duhet shumë, por se jemi të gatshëm për këtë.
Më lejoni të fokusohem në dy apo tre çështje në veçanti. Çështja e parë ka të bëjë me faktin që në kontinentin tonë kemi një sfidë që është lufta e vështirë në Ukrainë,. Kjo nuk është luftë vetëm ndaj këtij vendi, por është një gjë e drejtuar nga të gjithë rendet e të gjithë Europës. Ju e dini që ne vajtëm në Kiev për tu takuar me presidentin Zelensky të shtunën dhe e bëmë, jo vetëm në emrin tonë, por shpresoj që e kemi bërë edhe në emrin tuaj të gjithëve për të treguar angazhimin tonë të fortë dhe vendosmërinë për përkrahjen për vendin tuaj, por edhe për këtë rend politik. Ne jemi të vendosur që ne duhet të vazhdojmë të japim mbështetje të fortë në aspektin politik, ekonomik, financiar, ushtarak Ukrainës, këtij vendi në vështirësi të tmerrshme. Përpjekjet tona kanë treguar një sukses shumë të vogël diplomatik, fakti që ata sot po takohen. Është ndoshta një sinjal i vogël, por i fortë. Duhet të jemi të qartë për mbështetjen tonë.
Çështja e dytë ka të bëjë me aleacën tonë me SHBA. Vendi im i është skajshmërisht mirënjohës SHBA për atë që ata kanë bërë pas Luftës së Dytë Botërore dhe ne e kemi treguar këtë mirënjohje dhe ne duhet të bëjmë përpjekje që amerikanët t’i kemi në anën tonë. Nuk mund t’i zëvendësojmë kurrsesi. Ne përballemi me çështjen e emigracionit. Më lejoni një koment, ne përballemi me kërcenime nga emigracioni dhe po përpiqemi ta zgjidhim atë, por duhet të bëjmë dicka edhe vetëm dhe po përpiqemi të bashkërendojmë përpjekjet tona me fqinjët”, shprehet Merz.
Ndër të tjera Merz u ndal edhe tek shpenzimet ushtarake për të cilat tha se vendi i tij është i gatshëm të shpenzojë më shumë.
“Komenti i tretë ka të bëjë me prokurimet ushtarake, ne jemi të gatshëm të shpenzojmë më shumë, por kam një kërkesë të mos flasim vetëm për paratë, por për efikasitetin, shifrat, por edhe për ekonomitë e shkallës. Ne nuk po marrim mjaftueshmërisht materiale për paratë që po shpenzojmë. Duhet të shpënzojmë më shumë. Kjo në vetvete nuk mjafton, prandaj vendi im është i gatshëm për bashkëpunim më të mirë në BE”, tha Merz.
