Edi Rama ka ironizuar ditën e sotme Sali Berishën dhe shprehet “mendoi se vërtet ia hoqën damkën”, duke iu referuar lajmit të gazetarit amerikan se kreu i PD-së mund të udhëtojë në SHBA.
Krahas një video ku shfaqet një buf në vend të Sali Berishës, Rama shkruan se “mbetet gjithnjë i palëkundur besimi se po e tha Bufi fluturon edhe gomari”.
Rama shprehet me ironi se këneta sheh ëndrra madhështore me rrugë qumështi dhe mëndafshi, ku oqeani bëhet kos dhe kapelja trampiste e Bufit shumëfishohet në miliona tenxhere floriri.
Postimi i Ramës:
Thashë se ia hoqën vërtetë damkën të shpëtonte Shqipëria nga një turp i pashembullt, po aha, hiç, qenkej një tjetër nga ato talljet e Bufit me lukuninë e Kënetës, ku mbetet gjithnjë i palëkundur besimi se po e tha Bufi fluturon edhe gomari…
Trushpëlarje aq shembullore u ka bërë në tërë këto vite të shkretëve, sa që edhe kur Bufi i rrjedhur përçartet rrugëve, Këneta sheh ëndrra madhështore me rrugë qumështi dhe mëndafshi, ku oqeani bëhet kos dhe kapelja trampiste e Bufit shumëfishohet në miliona tenxhere floriri.
LEXO EDHE:
Ekskluzive/ Gazetari amerikan: Departamenti i Shtetit lejon Sali Berishën të udhëtojë në SHBA
