Një aksident i rëndë automobilistik ka ndodhur këtë të mërkurë në aksin rrugor “Elbasan-Peqin”.
Si pasojë e përplasjes janë lënduar tre efektivë policie të cilët udhëtonin në një prej mjeteve të përfshira në aksident.
Të lënduarit ndodhen jashtë rrezikut për jetën.
“Në aksin rrugor “Elbasan-Peqin”, automjeti me drejtues shtetasin A. S., është përplasur me automjetin me drejtues shtetasin B. M.(oficer policie). Si pasojë e përplasjes janë dëmtuar shtetasi B. M., dhe 2 pasagjerë që udhëtonin me të (tre të dëmtuarit oficerë policie), dhe janë jashtë rrezikut për jetën.
Grupi hetimor vijon veprimet për përcaktimin e shkaqeve të aksidentit“, thuhet në njoftimin e policisë.
