Një 32-vjeçarështë vënë në pranga pas aksidentit me një viktimë të regjistruar paraditen e djeshme në aksin rrugor “Elbasan-Librazhd”. I arrestuari është drejtuesi i mjetit të përfshirë në një aksident.
32-vjeçari është përplasur me një makinë në segmentin rrugor Xibrakë–Labinot Fushë. Për shkak të aksidentit humbi jetën pasagjeri në mjetin tjetër dhe mbetën të plagosur pesë persona. Viktima është identifikuar si Ferit Agushi.
“Në vijim të informacionit të dhënë dje, për aksidentin në aksin rrugor “Elbasan-Librazhd”, bëjmë me dije se në vijim të veprimeve procedurale, specialistët e Qarkullimit Rrugor arrestuan në flagrancë shtetasin N. D., 32 vjeç, i cili drejtonte automjetin që u përplas me automjetin që drejtonte shtetasi A. F., 66 vjeç. Si pasojë humbi jetën shtetasi F. A., 68 vjeç, pasagjer në automjetin me drejtues shtetasin A. F., si dhe u dëmtuan 2 drejtuesit e automjeteve dhe 3 pasagjerë,” thuhet në njoftimin e policisë.
