Sekretari i Shtetit i SHBA-së, Marco Rubio, e përgëzoi kryeministrin australian Anthony Albanese për fitoren e tij në zgjedhjet parlamentare dhe tha se Shtetet e Bashkuara mezi presin thellimin e marrëdhënieve dypalëshe.
“Shtetet e Bashkuara mezi presin të thellojnë marrëdhëniet tona me Australinë për të çuar përpara interesat tona të përbashkëta dhe për të promovuar lirinë dhe stabilitetin në rajonin Indo-Paqësor dhe globalisht”, tha Rubio në një deklaratë.
Më parë, kryeministri britanik Keir Starmer përshëndeti fitoren e Anthony Albanese në zgjedhjet e përgjithshme, duke vlerësuar lidhjet “e ngushta” midis Britanisë dhe Australisë.
“Marrëdhëniet midis dy vendeve janë më të afërta se kurrë”, shkroi udhëheqësi i Partisë Laburiste në një mesazh në Platformën X.
“Ne do të vazhdojmë të punojmë së bashku për qëllimet tona të përbashkëta, me qëllim përmirësimin e jetës së punëtorëve të dy vendeve tona“, shtoi ai.
