Edi Rama u ndal sot në Sarandë ku e nisi fjalën e tij duke evidentuar një shqetësim që banorët e Sarandës kanë, atë të furnizimit me ujë të pijshëm, ndërsa tha se do të ketë një riinvenstim.
Ende në vitin 2025, kryeministri Rama u kërkon votën sarandiotëve duke iu premtuar sërish, si shumë herë të tjera, furnizimin me ujë të pijshëm, gjënë më minimale që mund tu sigurojë qeveria qytetarëve të saj.
“Është bërë një investim për ujin, por ndërkohë që në zonat e tjera uji i pijshëm është stabilizuar, në Sarandë ndërkohë që u bë ai investim, janë shtuar shumë më tepër numri i konsumatorëve, edhe për shkak të turizmit, dhe është ulur furnizimi me ujë.
Do bëjmë një riinvestim, sepse po shohim projekte të tjera që do ta rrisin shumë cilësinë e turizmit në Sarandë”, tha Rama.
